ચક દે ઈન્ડિયા: અમદાવાદમાં આજે મહામુકાબલો, સ્ટેડિયમ ખાતે ફેન્સનું ઘોડાપુર; બપોરે 1:30 કલાકે થશે ફાઈનલ મેચનો ટોસ

World Cup Final: ક્રિકેટ વર્લ્ડ કપની ફાઈનલ મેચ પહેલા અમદાવાદના નરેન્દ્ર મોદી સ્ટેડિયમની બહાર દર્શકો અને ચાહકોની ભારે ભીડ ઉમટી પડી છે. હજારોની સંખ્યામાં લોકો સ્ટેડિયમમાં પ્રવેશવા માટે કતારોમાં ઉભા છે. આજની ફાઈનલ મેચને લઈને ક્રિકેટપ્રેમીઓમાં અનેરો ઉત્સાહ જોવા મળી રહ્યો છે. આખા વર્લ્ડ કપમાં અજેય રહેલી ભારતીય ટીમ હવે ટ્રોફી જીતવાથી માત્ર એક ડગલું દૂર છે. ભારતની જીત માટે દેશભરમાં પૂજા અને દુવાઓ કરવામાં આવી રહી છે. મોટાભાગના નેતાઓ અને ફિલ્મ સ્ટાર્સે ભારતની જીત માટે શુભેચ્છા પાઠવી છે. અમદાવાદના નરેન્દ્ર મોદી સ્ટેડિયમ ખાતે આજે ભારત અને ઓસ્ટ્રેલિયા ક્રિકેટ વર્લ્ડ કપની ફાઇનલ મેચ માટે તમામ તૈયારીઓ કરી લેવામાં આવી છે.

ક્રિકેટ વર્લ્ડ કપની ફાઇનલ મેચ પહેલા અમદાવાદના નરેન્દ્ર મોદી સ્ટેડિયમની બહાર દર્શકો અને ચાહકોની ભારે ભીડ ઉમટી પડી છે. સ્ટેડિયમમાં પ્રવેશવા માટે હજારો લોકો કતારમાં ઉભા છે. દરેક જણ શક્ય તેટલી વહેલી તકે મેચ શરૂ થાય તેની રાહ જોઈ રહ્યા છે. ટીમ ઈન્ડિયા પણ સ્ટેડિયમ જવા રવાના થઈ ચૂકી છે. મોટી-મોટી હસ્તીઓ પણ સ્ટડિયમ ખાતે પહોંચી રહી છે. મેચ જોવા માટે ગુજરાત જ નહીં સમગ્ર દેશ અને વિદેશમાંથી પણ લોકો સ્ટેડિમય ખાતે પહોંચ્યા છે.