World Cup દરમિયાન કોહલી-રાહુલની પત્ની વિશે હરભજનસિંહે આ શું કહ્યું, ફેન્સે કહ્યું-તરત માફી માંગો
World Cup 2023: આજે રવિવારે, અમદાવાદના નરેન્દ્ર મોદી સ્ટેડિયમમાં ભારત અને ઓસ્ટ્રેલિયા વચ્ચે વર્લ્ડ કપ 2023ની ફાઈનલ મેચ રમાઈ હતી. ચાહકોથી લઈને બોલિવૂડ સ્ટાર્સે આ શાનદાર મેચ જોવા માટે નરેન્દ્ર મોદી સ્ટેડિયમમાં પોતાની હાજરી નોંધાવી હતી. જોકે ઓસ્ટ્રેલિયાએ ભારતને 6 વિકેટે હરાવ્યું હતું.
તે જ સમયે, હવે સોશિયલ મીડિયા પર ભૂતપૂર્વ ભારતીય ક્રિકેટર અને સ્પિનર હરભજન સિંહને યુઝર્સ જોરદાર ટ્રોલ કરી રહ્યા છે. આ મેચ દરમિયાન હરભજન સિંહે અનુષ્કા શર્મા અને આથિયાને લઈને એક વિવાદાસ્પદ નિવેદન આપ્યું હતું, જેના કારણે તે ટ્રોલ થઈ રહ્યો છે.
હરભજન સિંહને ટ્રોલ કરવામાં આવી રહ્યો છે
વાસ્તવમાં, ભારત અને ઓસ્ટ્રેલિયા વચ્ચે વર્લ્ડ કપ 2023ની ફાઇનલ મેચ દરમિયાન, હરભજન સિંહે કોમેન્ટ્રી કરતી વખતે વિરાટ કોહલીની પત્ની અને અભિનેત્રી અનુષ્કા શર્મા અને કેએલ રાહુલની પત્ની અને બોલિવૂડ અભિનેત્રી આથિયા શેટ્ટી પર વિવાદાસ્પદ નિવેદનો આપ્યા હતા, જેના કારણે તે ટ્રોલ થયો હતો. આ મેચમાં અનુષ્કા અને આથિયા સાથે બેઠા હતા. તે જ સમયે, જ્યારે કેમેરા આ બંને અભિનેત્રીઓ તરફ વળ્યો, ત્યારે તેઓ એકબીજા સાથે વાત કરી રહ્યા હતા.
@harbhajan_singh What do you mean that the ladies understand cricket or not?? Please apologise immediately. @AnushkaSharma@theathiyashetty@klrahul@imVkohli#INDvsAUSfinal #INDvAUS #ICCWorldCupFinal pic.twitter.com/8gKlG8WvJP
— Arunodaya Singh (@ArunodayaSingh3) November 19, 2023
તે ક્રિકેટ વિશે વધુ જાણતા નથી - હરભજન સિંહ
આ જોઈને તેની કોમેન્ટ્રી દરમિયાન હરભજને કહ્યું કે, મને લાગે છે કે તે બંને ફિલ્મો વિશે વાત કરશે, કારણ કે અનુષ્કા શર્મા અને આથિયા શેટ્ટી ક્રિકેટ વિશે વધુ જાણતા નથી. હરભજન સિંહનું આ નિવેદન તેને ભારે પડ્યું અને હવે યૂઝર્સ તેને આ માટે સોશિયલ મીડિયા પર જોરદાર ટ્રોલ કરી રહ્યા છે.
Typical Harbhajan Singh L. Disgrace as a person. “Filmo ki baat ho rahi hogi ya cricket ki- Pata nahi cricket ki kitni samaj hogi.
Pathetic. pic.twitter.com/oUhxG13aFS
— Areyyyyy Yaarrrrrr (@A_niche11) November 19, 2023
યુઝર્સ ટ્રોલ કરી રહ્યા છે
સોશિયલ મીડિયા પર એક યુઝરે લખ્યું કે @harbhajan_singh તમારો મતલબ શું છે કે મહિલાઓ ક્રિકેટ સમજે છે કે નહીં? મહેરબાની કરીને તરત જ માફી માગો.
અન્ય એક યુઝરે લખ્યું કે, મેં આવી વાતો પહેલા ક્યારેય સાંભળી નથી, આ ખૂબ જ ખરાબ છે.
આ સ્ટાર્સ ફાઈનલ મેચ જોવા આવ્યા હતા
જણાવી દઈએ કે અનુષ્કા શર્મા અને આથિયા શેટ્ટી સિવાય શાહરુખ ખાન, ગૌરી ખાન, રણવીર સિંહ, દીપિકા પાદુકોણ, આયુષ્માન ખુરાના, સુહાના ખાન, આર્યન ખાન, અબરામ ખાન, શનાયા કપૂર, આશા ભોંસલે સાથે દેશના વડાપ્રધાન નરેન્દ્ર મોદી, અમિત શાહ પણ વર્લ્ડ કપની ફાઈનલ મેચ જોવા આવ્યા હતા.
