For the best experience, open
https://m.gujarattak.in
on your mobile browser.
Advertisement
 
Whatsapp share Whatsapp share

દિલ્હીમાં શ્વાસ લેવો પણ મુશ્કેલ, માસ્ક પહેરીને રમાશે વર્લ્ડકપની મેચ? બાંગ્લાદેશ બાદ શ્રીલંકાની ટીમે લીધો મોટો નિર્ણય

06:36 PM Nov 04, 2023 IST
દિલ્હીમાં શ્વાસ લેવો પણ મુશ્કેલ  માસ્ક પહેરીને રમાશે વર્લ્ડકપની મેચ  બાંગ્લાદેશ બાદ શ્રીલંકાની ટીમે લીધો મોટો નિર્ણય
Advertisement

Delhi Air Pollution: દિલ્હી-NCRની હવા એકદમ ઝેરી બની ગઈ છે અને AQI લેવલ ખૂબ જ ચિંતાજનક સ્થિતિમાં પહોંચી ગયું છે. હવે આ વાયુ પ્રદૂષણની અસર ક્રિકેટ વર્લ્ડ કપ પર પણ પડી રહી છે. વાસ્તવમાં, બાંગ્લાદેશ અને શ્રીલંકા વચ્ચે 6 નવેમ્બર (સોમવાર)ના રોજ દિલ્હીના અરુણ જેટલી સ્ટેડિયમમાં મેચ યોજાવા જઈ રહી છે, જેના પર હવે સંકટ મંડરાઈ રહ્યું છે.

Advertisement
Advertisement

બાંગ્લાદેશ બાદ શ્રીલંકાએ પણ ટ્રેનિંગ રદ કરી

બાંગ્લાદેશ અને શ્રીલંકા બંને અત્યંત ખરાબ હવાના કારણે ટ્રેનિંગ કરી શક્યા નથી. ઝેરી ધુમ્મસને કારણે બાંગ્લાદેશે શુક્રવારે તેની ટ્રેનિંગ રદ કરી હતી. શ્રીલંકાની ટીમ પણ આવી જ હાલતમાં હતી અને તેના ખેલાડીઓ પણ શનિવારે (4 નવેમ્બર) ટ્રેનિંગ માટે આવ્યા ન હતા.

Advertisement
ADVERTSIEMENT

દિલ્હીના પ્રદૂષણ પર ICCની નજર

ઈન્ટરનેશનલ ક્રિકેટ કાઉન્સિલ (ICC) એ કહ્યું કે, તે આ મામલાની નજીકથી તે નજર રાખી રહ્યું છે. ICCના પ્રવક્તાએ રોઇટર્સને કહ્યું, 'અમે હાલમાં પરિસ્થિતિનું મૂલ્યાંકન કરી રહ્યા છીએ. ICC અને અમારા યજમાન BCCIની પ્રાથમિકતા તમામ ટીમોની ભલાઈમાં છે. અમે દિલ્હીમાં હવાની ગુણવત્તા પર નજર રાખી રહ્યા છીએ. અમે પરિસ્થિતિનું મૂલ્યાંકન કરવા માટે નિષ્ણાતોની સલાહ લઈ રહ્યા છીએ.

Advertisement सब्सक्राइब करें

6 વર્ષ પહેલા પણ આવી સ્થિતિ સર્જાઈ હતી

છ વર્ષ પહેલા, નવી દિલ્હીમાં ભારત અને શ્રીલંકા ટેસ્ટ મેચ દરમિયાન આવી જ સ્થિતિ હતી. ત્યારબાદ ઘણા ખેલાડીઓએ મેદાનમાં ઉલ્ટી કરી હતી. તે ટેસ્ટ મેચમાં શ્રીલંકન ટીમના ખેલાડીઓ માસ્ક પહેરીને રમતા જોવા મળ્યા હતા. શ્રીલંકાની ટીમ ભલે માસ્ક પહેરીને મેદાનમાં આવી, પરંતુ મેદાન પર ઉભેલા અમ્પાયર અને ભારતીય ખેલાડીઓએ માસ્ક પહેર્યા ન હતા. હવે જોવાનું એ રહેશે કે શ્રીલંકા-બાંગ્લાદેશ મેચમાં ખેલાડીઓ માસ્ક પહેરે છે કે નહીં.

મુંબઈમાં હવાની ગુણવત્તા પણ ઘણી ખરાબ છે. ઈંગ્લેન્ડના ખેલાડી જો રૂટે કહ્યું કે તેને લાગ્યું કે જાણે તે 'હવા ખાઈ રહ્યો છે'. ભારતીય કેપ્ટન રોહિત શર્માએ પણ આ મુદ્દે વાત કરી હતી. રોહિતે કહ્યું હતું કે, આ કોઈ આદર્શ પરિસ્થિતિ નથી અને તે બધા જાણે છે. રોહિતે ખાસ કરીને બાળકો પર તેની અસર અંગે ચિંતા વ્યક્ત કરી હતી. રોહિતે કહ્યું, 'દેખીતી રીતે એ મહત્વનું છે કે તેમને કોઈ પણ ડર વિના જીવવાનો મોકો મળે.'

બાંગ્લાદેશ-શ્રીલંકાએ ખરાબ પ્રદર્શન કર્યું છે

બાંગ્લાદેશ પહેલા જ વર્લ્ડ કપમાં સેમિફાઇનલની રેસમાંથી બહાર થઈ ગયું છે, જ્યારે શ્રીલંકાની સફર પણ તેના અંતને આરે છે. બાંગ્લાદેશને તેની છેલ્લી મેચમાં પાકિસ્તાનના હાથે 7 વિકેટે હારનો સામનો કરવો પડ્યો હતો, ત્યારબાદ તે સેમિફાઇનલની રેસમાંથી બહાર થઈ ગયું હતું. બીજી તરફ શ્રીલંકાને ભારત સામે 302 રનથી કારમી હારનો સામનો કરવો પડ્યો હતો.

Advertisement
Tags :
Advertisement "
Advertisement
×

.