ગાંધીનગરમાં કમલમ ખાતે વિરોધ કરવા પહોંચેલી 3 ક્ષત્રિય મહિલાઓ ડિટેઈન, ઉગ્ર આંદોલનની ચીમકી ઉચ્ચારી

Gandhinagar News: રાજકોટ બેઠકથી ભાજપના ઉમેદવાર પરષોત્તમ રૂપાલાના વિવાદિત નિવેદનનો મામલો શાંત થવાનું નામ નથી લઈ રહ્યો. ક્ષત્રિય સમાજ દ્વારા ઘણા દિવસથી રૂપાલની ટિકિટ રદ કરવાની માંગ કરવામાં આવી રહી છે. જે પૂરી ન થતા ક્ષત્રિયાણીઓએ ગાંધીનગરમાં કમલમ ખાતે જૌહર કરવાની ચીમકી ઉચ્ચારી હતી. આ વચ્ચે ગાંધીનગરમાં કમલમ પ્રદેશ કાર્યાલય ખાતે 3 ક્ષત્રિય મહિલાઓ વિરોધ કરવા માટે પહોંચી હતી. પ્રાઈવેટ કારમાં 3 ક્ષત્રિય બહેનો કમલમ પહોંચી. જોકે તેઓ વિરોધ કરે તે પહેલા જ તેમને ડિટેઈન કરવામાં આવી હતી.