Lok Sabha Election: મતદાન શરૂ થતા જ EVM બંધ થયા, નવસારી, બનાસકાંઠા,લીંબડીમાં લોકો અકળાયા
Lok Sabha Election: ગુજરાતની 25 સહિત 12 રાજ્યોની 93 બેઠકો પર આજે મતદાન યોજાઈ રહ્યું છે. ગુજરાતમાં બપોરે ગરમીની આગાહી વચ્ચે સવારથી જ મતદારો મતદાન કેન્દ્રો બહાર લાઈન લગાવી રહ્યા છે અને ભારે ઉત્સાહ સાથે વોટ આપવા માટે પહોંચી રહ્યા છે. જોકે મતદાન શરૂ થતા જ રાજ્યભરમાં જુદા જુદા મતદાન કેન્દ્રોમાંથી EVM ખોટકાવાની સમસ્યાઓ સામે આવી રહી છે.
ADVERTISEMENT
Lok Sabha Election: ગુજરાતની 25 સહિત 12 રાજ્યોની 93 બેઠકો પર આજે મતદાન યોજાઈ રહ્યું છે. ગુજરાતમાં બપોરે ગરમીની આગાહી વચ્ચે સવારથી જ મતદારો મતદાન કેન્દ્રો બહાર લાઈન લગાવી રહ્યા છે અને ભારે ઉત્સાહ સાથે વોટ આપવા માટે પહોંચી રહ્યા છે. જોકે મતદાન શરૂ થતા જ રાજ્યભરમાં જુદા જુદા મતદાન કેન્દ્રોમાંથી EVM ખોટકાવાની સમસ્યાઓ સામે આવી રહી છે.
બનાસકાંઠામાં 1 કલાક મતદાન બંધ રહ્યું
નવસારીમાં ટાટા બોય્ઝ સ્કૂલમાં મતદાન શરૂ થતા જ EVMમાં ખામી સર્જાઈ હતી. જે બાદ 30 મિનિટ સુધી મતદાન મોડું શરૂ થતા સ્કૂલની બહાર મતદારોની લાંબી લાઈનો લાગી હતી. આ રીતે ભાવનગરમાં પણ મિલિટરી સોસાયટીની શાળામાં 2 EVM મશીન ખરાબ થતા અડધો કલાક સુધી મતદાન રોકાયું હતું. તો બનાસકાંઠાના વાવના એટા અને કલ્યાણપુરા ગામે EVMમાં ખામી સર્જાતા 1 કલાક સુધી મતદાન બંધ રહ્યું હતું. જેના કારણ સવારથી લાઈનમાં ઊભેલા લોકો અકળાયા હતા.
અમદાવાદ-વલસાડમાં પણ મશીન બગડ્યા
વલસાડના કપરાડામાં આવેલા જીરવલ બરડા ફળિયા ખાતે પણ સવારે 7 વાગ્યે EVM મશીન ખરાબ થઈ ગયું હતું. તો અમદાવાદના કાલુપુરમાં શાળા નંબર 22માં EVMમાં ખામી સર્જાઈ હતી, જેના કારણે મતદાનમાં વિલંબ થયો હતો. તો લીંબડીમાં પણ પ્રાથમિક શાળા-4માં મશીન ખરાબ થતા પ્રાન્ત અધિકારી પહોંચ્યા હતા. વડોદરાના વાઘોડિયામાં પણ ભાડોલ, ગંગાનગર અને રાજપુરા બુથ પર EVMમાં ખરાબી હોવાનું સામે આવતા મશીન બદલવા રજૂઆત કરાઈ હતી.
આ પણ વાંચો
ADVERTISEMENT
ADVERTISEMENT