VIDEO: ‘મેડમ બંધ નહીં થાય, જ્યાં વાત કરી હોય ત્યાં કરી લેજો’, MLA અને મહિલા મામલતદાર વચ્ચે તુંતું-મેંમેં

દબાણ હટાવવા પહોંચ્યા મહિલા મામલતદાર

બાયડમાં મામલતદાર પોલીસના બંદોબસ્ત સાથે મુખ્ય રોડ પર ઊભા કરાયેલા મંડપ ખસેડવા માટે પહોંચ્યા હતા. મામલાની જાણ થતા જ ધારાસભ્ય ધવલસિંહ ઝાલા પણ સ્થળ પર પહોંચ્યા હતા. જે બાદ મહિલા મામલદાર અને ધારાસભ્ય વચ્ચે તુતું-મેં મેં થઈ હતી. જે વીડિયોમાં કેદ થઈ હતી.

ધારાસભ્યએ જાહેરમાં ખખડાવી નાખ્યા

વીડિયામાં ધારાસભ્ય ધવલસિંહ ઝાલા પહેલા પોલીસ કર્મચારીઓ સાથે વાત કરે છે અને હે છે કે, ભઈ આગળ કહી દેજો કે બંધ નહીં થાય, કહી દેજો ધારાસભ્ય સામે પડ્યા છે. દિવાળીમાં વેપારીઓને હેરાન કરવાના ધંધા શરૂ કર્યા છે. પોલીસકર્મી મામલતદાર ત્યાં હાજર હોવાનું કહેતા ધવલસિંહ આગળ જઈને મહિલા મામલતદારને કહી રહ્યા છે કે, મેડમ બંધ નહીં થાય, તમારે જ્યાં વાત કરવી હોય ત્યાં કરી લો. તમે અધિકારી છો તમારે વાત કરી લેવાની. હું પબ્લિકનો સેવક છું. નાના વેપારીઓ ક્યાં જ્યાં તેમને હેરાન કરો છે. રિપોર્ટ કરવાનો થાય તો મારા નામની ફરિયાદ કરી દેજો.

"ફરિયાદ કરી દેજો બંધ નહીં થાય", નાના વેપારીઓને રસ્તા પરથી હટાવતા મામલતદાર-ધારાસભ્ય વચ્ચે તુતું મેમે!

બાયડમાં દિવાળીમાં રોડની સાઈડ પર ધંધો કરતા વેપારીને હટાવાતા બોલાચાલી થઈ હતી. ત્યારે બાયડનાં ધારાસભ્ય ધવલસિંહ ઝાલા અને ટ્રાફિક નિયંત્રણ કરનારા અધિકારી વચ્ચે બબાલ થઈ હતી.… pic.twitter.com/jwbyaeOz4h

— Gujarat Tak (@GujaratTak) November 11, 2023

(ઈનપુટ: હિતેશ સુતરીયા, અરવલ્લી)