Adani Group Stocks: અદાણી ગ્રુપના 5 શેરોમાં માર્કેટ ખુલતા જ લોઅર સર્કિટ વાગી, હવે શું થશે?

ગુરુવારે માર્કેટ ઘટાડા સાથે ખુલ્યુ
ગુરુવારે શેર માર્કેટની શરૂઆત ઘટાડા સાથે થઈ. બોમ્બે સ્ટોક એક્સચેન્જના 30 શેરોવાળો સેન્સેક્સ 249 પોઈન્ટના ઘટાડા સાથે 59.459 પર ખુલ્યો. જ્યારે નેશનલ સ્ટોક એક્સચેન્જના Nifty 17,517ના સ્તર પર ખુલ્યો. જોકે દિવસમાં તેમાં સુધારો જોવા મળ્યો અને ઘટાડો ઓછો થયો. બજારમાં ઘટાડા વચ્ચે ગૌતમ અદાણીના નેતૃત્વવાળા અદાણી ગ્રુપની કંપનીઓના સ્ટોક્સમાં પણ આજે જોરદાર ઘટાડો જોવા મળ્યો છે.

આ પણ વાંચો: 20,000 કરોડનો FPO કેમ પાછો ખેંચ્યો? રોકાણકારનો સમજાવવા Gautam Adani પોતે સામે આવ્યા

અદાણી ગ્રુપના 5 શેરોમાં લોઅર સર્કિટ
પાછલા એક અઠવાડિયાથી ખરાબ સમયમાંથી પસાર થઈ રહેલા અદાણી ગ્રુપની પાંચ કંપનીઓના સ્ટોકમાં ગુરુવારે માર્કેટ શરૂ થતા જ લોઅર સર્કિટ લાગી ગઈ. તેમાં Adani Power Ltd 4.97% તૂટીને 202.05 રૂપિયા પર, Adani Wilmar Ltd 5% ઘટીને 421 રૂપિયા, Adani Green Energy Ltdના સ્ટોક 10 ટકા ઘટીને 1039.85 રૂપિયા, Adani Total Gas Ltdના સ્ટોક 10 ટકા ઘટીને 1707.70 રૂપિયા અને Adani Transmission Ltdના સ્ટોક 10 ટકા ઘટીને 1551.15 રૂપિયા પર ટ્રેડ કરી રહ્યા હતા.

Adaniના બે શરોમાં તેજી
ગુરુવારે જે બીજા શેરોમાં ઘટાડો જોવા મળ્યો તેમાં સ્ટેટ બેંક ઓફ ઈન્ડિયા, બજાજ ફાઈનાન્સ અને ICICI બેંક સામેલ છે. આ ઉપરાંત ITC, HCL Tech, Infosys અને Tech Mahindraના શેરોમાં તેજી જોવા મળી રહી છે. અદાણી ગ્રુપના બે શેરોમાં ACC અને અંબુજા સિમેન્ટના શેરોમાં ઉછાળો જોવા મળ્યો. અંબુજા સિમેન્ટના શેરમાં 5.67 ટકાનો વધારો થયો અને ACC લિમિટેડના સ્ટોકમાં 0.76 ટકા ઉછળીને 1860.55 રૂપિયાના સ્તરે છે.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…