‘PoK ભારતનું છે, કોઈ એક ઈંચ જમીન પણ ન છીનવી શકે…’ સંસદમાં આર્ટિકલ 370 મુદ્દા પર બોલ્યા અમિત શાહ

‘ભારતની એક પણ ઈંચ જમીન જવા દઈશું નહીં’

અમિત શાહે રાજ્ય સભામાં કહ્યું કે, જમ્મુ-કાશ્મીરના લોકોના અધિકારો 3 પરિવારોએ રોકી દીધા. તેમણે કહ્યું કે, PoK ભારતનું છે, તેને કોઈ છીનવી નહીં શકે. અમે ભારતની એક ઇંચ પણ જમીન જવા દઇશું નહીં. કલમ 370 અંગે તેમણે કહ્યું કે, તેનાથી અલગતાવાદને મજબૂતી મળી છે. ફરી એકવાર નહેરુનો ઉલ્લેખ કરતા તેમણે કહ્યું કે, નેહરુએ અડધુ કાશ્મીર છોડી દીધું હતું. નેહરુના નિર્ણયને કારણે જમ્મુ-કાશ્મીરના વિલીનીકરણમાં વિલંબ થયો હતો.

કલમ 370 અન્ય રાજ્યોમાં કેમ લાગુ ન કરાઈ?

અમિત શાહે સવાલ ઉઠાવ્યો કે, કલમ 370 અન્ય રાજ્યમાં કેમ લાગુ કરવામાં આવી નથી. એ પણ પૂછ્યું કે જમ્મુ-કાશ્મીરમાં સેના મોકલવામાં વિલંબ કેમ થયો. નેહરુ પીઓકેનો મુદ્દો યુએનમાં કેમ લઈ ગયા?

કોંગ્રેસ પર પ્રહાર કરતા તેમણે કહ્યું કે, કોંગ્રેસ કોઈ સારા કામને સમર્થન આપતી નથી. ગૃહમંત્રીએ કહ્યું કે, અમારી સરકારે એવા યુવાનોના હાથમાં લેપટોપ આપ્યા છે જેઓ જમ્મુ-કાશ્મીરમાં પથ્થરો લઈને ફરતા હતા. અમે નિર્ણય લઈ શકીએ છીએ, ભાગી શકતા નથી. ઈતિહાસ 370ના નિર્ણયને યાદ રાખશે.