Pakistan: 10 વર્ષ અને 14 વર્ષની જેલ… ઈમરાન ખાનને 2 દિવસમાં બે વાર સજા

ઈમરાન ખાન અને તેમની પત્નીને 14 વર્ષની સજા

પાકિસ્તાનના સ્થાનિક મીડિયા રિપોર્ટ્સ અનુસાર, તોશાખાના કેસમાં પાકિસ્તાનના પૂર્વ વડાપ્રધાન અને તહરીક-એ-ઈન્સાફ (PTI)ના સંસ્થાપક ઈમરાન ખાન (Imran Khan) અને તેમની પત્ની બુશરા બીબી (Bushra Bibi)ને 14 વર્ષની જેલની સજા ફટકારવામાં આવી છે. આ સિવાય બંને આગામી 10 વર્ષ સુધી કોઈ પણ જાહેર પદ પર નહીં રહી શકે. બંનેને 787 મિલિયન પાકિસ્તાની રૂપિયા (23 કરોડ ભારતીય રૂપિયા)નો દંડ ફટકારવામાં આવ્યો છે.

Imran Khan, Bushra Bibi sentenced to 14 years with rigorous punishment in Toshakhana case, reports Pakistan's Geo News. pic.twitter.com/vBd79s3EDh

— ANI (@ANI) January 31, 2024

ગઈકાલે ફટકારવામાં આવી હતી 10 વર્ષની સજા

આપને જણાવી દઈએ કે, ગઈકાલે 30 જાન્યુઆરીએ પાકિસ્તાનની એક વિશેષ અદાલતે ઈમરાન ખાન અને પૂર્વ વિદેશ મંત્રી શાહ મહમૂદ કુરેશી (Shah Mahmood Qureshi)ને 10 વર્ષની જેલની સજા સંભળાવી હતી. તે સજા ‘સાયફર કેસ’ સાથે સંબંધિત હતી, જેમાં ઈમરાન ખાન પર રાજદ્વારી દસ્તાવેજો સાથે ચેડા કરવાનો આરોપ હતો.

Cypher Case: Former Pak PM Imran Khan, his top aide Qureshi sentenced to 10 years jail

Read @ANI Story | https://t.co/ZRPqlcxiQA pic.twitter.com/7joJ8wwS1e

— ANI Digital (@ani_digital) January 30, 2024

8 ફેબ્રુઆરીથી યોજવા જઈ રહી છે ચૂંટણી

એક અઠવાડિયા પછી 8 ફેબ્રુઆરીથી પાકિસ્તાનમાં સામાન્ય ચૂંટણીઓ યોજાવા જઈ રહી છે. ઈમરાન ખાનની પાર્ટી પાકિસ્તાન તહરીક-એ-ઈન્સાફ (PTI) આ ચૂંટણી લડી રહી છે. આવા સમયે કોર્ટના આવા બે નિર્ણયો પાર્ટી અને ઈમરાન ખાન માટે મોટો ફટકો છે.