Plane Crash: અફઘાનિસ્તાનમાં પેસેન્જર પ્લેન ક્રેશ, મોસ્કો જતું વિમાન રસ્તો ભૂલી જતા મોટી દુર્ઘટના

વિમાન ભારતનું નથી

ભારતીય નાગરિક ઉડ્ડયન મંત્રાલયે ટ્વિટર પર પોસ્ટ કરીને કહ્યું, ‘અફઘાનિસ્તાનમાં હમણાં જ જે દુર્ભાગ્યપૂર્ણ એરક્રાફ્ટનો અકસ્માત થયો છે તે ન તો ભારતીય વિમાન છે કે ન તો નોન-શિડ્યુલ્ડ (NSOP)/ચાર્ટર એરક્રાફ્ટ. આ મોરોક્કન રજિસ્ટર્ડ નાનું વિમાન છે. વધુ માહિતીની રાહ જોવાઈ રહી છે. અગાઉ અફઘાન મીડિયામાં દાવો કરવામાં આવી રહ્યો હતો કે આ વિમાન ભારતીય છે.

The unfortunate plane crash that has just occurred in Afghanistan is neither an Indian Scheduled Aircraft nor a Non Scheduled (NSOP)/Charter aircraft. It is a Moroccan registered small aircraft. More details are awaited.

— MoCA_GoI (@MoCA_GoI) January 21, 2024

અફઘાન સરકારે તપાસ માટે ટીમ મોકલી

બદખ્શાનના માહિતી અને સંસ્કૃતિ વિભાગના વડા ઝબીહુલ્લા અમીરીએ જણાવ્યું હતું કે, પેસેન્જર પ્લેન બદખ્શાન પ્રાંતના કુરાન-મુંજન અને ઝેબક જિલ્લાની સાથે તોપખાના પર્વતોમાં ક્રેશ થયું હતું. તેમણે કહ્યું કે, તપાસ માટે એક ટીમને વિસ્તારમાં મોકલવામાં આવી છે. સ્થાનિક લોકોના જણાવ્યા અનુસાર વિમાન રવિવારે સવારે ક્રેશ થયું હતું.