ભયાનક અકસ્માત: ટોલ પ્લાઝા પર ઊભેલી ગાડીઓને પૂરપાટ આવતી કારે ટક્કર મારી, 3નાં મોત

બેકાબુ કારે 6 વાહનોને એડફેટે લીધા

ડીસીપી કૃષ્ણકાંત ઉપાધ્યાયે જણાવ્યું હતું કે, સી લિંક પર ટોલ પ્લાઝાથી 100 મીટરે ઈનોવા કાર પહેલા મર્સિડીઝ કાર સાથે અથડાઈ હતી. આ પછી તે બે-ત્રણ અન્ય વાહનો સાથે પણ અથડાઈ હતી. અકસ્માતમાં મર્સિડીઝ અને ઈનોવા સહિત છ કારને ભારે નુકસાન થયું હતું.

#WATCH | Mumbai: Zone 9 DCP Krishnakant Upadhyay said, "Today around 10:15 am, a vehicle was going north from Worli towards Bandra, 100 meters before the toll plaza on sea link, it collided with a vehicle. After colliding the car sped up and hit 2-3 vehicles at the toll plaza. A… https://t.co/J6JHQr4Lzj pic.twitter.com/wWRcEqMpNR

— ANI (@ANI) November 9, 2023

અકસ્માત સર્જનાર ચાલક પણ ઈજાગ્રસ્ત

પોલીસે જણાવ્યું કે, ઘાયલ લોકોમાંથી 4ની હાલત સ્થિર છે અને અન્ય 2ની હાલત ગંભીર છે. ગંભીર રીતે ઘાયલ લોકોમાંથી એકની લીલાવતી હોસ્પિટલમાં સારવાર ચાલી રહી છે અને અન્ય પાંચ ભાભા હોસ્પિટલમાં દાખલ છે. પોલીસે જણાવ્યું કે ઈજાગ્રસ્તોમાં ઈનોવા કારનો ડ્રાઈવર પણ સામેલ છે.

મળતી માહિતી મુજબ, ગુરુવારે રાત્રે લગભગ 10.45 કલાકે બાંદ્રા-વરલી સી લિંક ટોલ પ્લાઝા પાસે એક સ્પીડિંગ કાર બેકાબૂ થઈ ગઈ હતી. તે ટોલ પ્લાઝા પર ઊભેલા વાહનો સાથે અથડાઈ હતી. અકસ્માતને પગલે સ્થળ પર અફરાતફરીનો માહોલ સર્જાયો હતો. અકસ્માતમાં ઘાયલ લોકોને તાત્કાલિક હોસ્પિટલમાં ખસેડવામાં આવ્યા હતા. જેમાં ત્રણ લોકોના મોત થયા હતા. બે લોકોની હાલત ગંભીર હોવાનું કહેવાય છે.

ડીસીપી કૃષ્ણકાંત ઉપાધ્યાયે જણાવ્યું કે, ટ્રાફિક પોલીસ સી લિંક પરના વાહનોને હટાવી રહી છે. આ મામલામાં એફઆઈઆર નોંધવાની પ્રક્રિયા ચાલી રહી છે. ઘાયલોને સારી સારવાર મળે તે પણ સુનિશ્ચિત કરવામાં આવી રહ્યું છે.