Money Laundering: અમેરિકાના ઈતિહાસનું સૌથી મોટું કૌભાંડ, કોણ છે 10 અબજ ડોલરનું ફૂલેકુ ફેરવનાર સેમ બેંકમેન ફ્રાઈડ

FTX founder Sam Bankman: અમેરિકામાં ક્રિપ્ટો કરન્સીમાં એક મોટું કૌભાંડ સામે આવ્યું છે. મીડિયા રિપોર્ટ્સ અનુસાર આ કૌભાંડ અમેરિકાના ઈતિહાસના સૌથી મોટા કૌભાંડોમાંથી એક છે. જેમાં ક્રિપ્ટો એક્સચેન્જ ફર્મ FTXના સ્થાપક અને ક્રિપ્ટો કિંગ તરીકે ઓળખાતા સેમ બેંકમેન ફ્રાઈડે રોકાણકારોને 10 અબજ ડોલરનો ચૂનો લગાવ્યો છે. મની લેન્ડરિંગ કેસમાં સેમ બેંકમેનને દોષિત ઠેરવવામાં આવ્યો છે. આ કેસમાં બેંકમેનના ત્રણ પૂર્વ સહયોગી અને મિત્રને પણ દોષિત ઠેરવવામાં આવ્યા છે. કોર્ટમાં બેંકમેનની એક્સ ગર્લફ્રેન્ડ કેરોલિન એલિસને બેંકમેનની વિરુદ્ધ જુબાની આપી જેથી તેની પોતાની સજા ઘટી જાય.હવે ટૂંક સમયમાં જ કોર્ટ બેંકમેનને સજા સંભળાવશે. મહત્વનું છે કે, FTX એક સમયે વિશ્વની બીજી સૌથી મોટી ક્રિપ્ટો એક્સચેન્જ કંપની હતી.