Surat News: દાગીના વેચીને ઘર માટે ભેગા કરેલા 4 લાખ રસ્તામાં પડી ગયા, યુવકે માલિકને શોધીને બેગ પરત કરી

• સુરતના પરિવારે ઘર માટે દાગીના વેચીને 4 લાખ રૂપિયા ભેગા કર્યા હતા.
• પુના વિસ્તારમાંથી નીકળતા સમયે રોકડા ભરેલી બેગ રસ્તામાં પડી ગઈ હતી.
• રસ્તે જતા યુવકને બેગ મળ્યા બાદ માલિકને શોધીને પૈસા પરત કર્યા

Surat News: માનવતા હજુ જીવે છે. સુરતમાં આવેલા પુના વિસ્તારમાં યોગીચોક નજીક ભાઈને મકાન અપાવવા માટે પત્નીના દાગીના વેચીને પરિવારે એકઠા કરેલા 4 લાખ રૂપિયા ભરેલી બેગ પડી ગઈ હતી. મધ્યમ વર્ગના પરિવારની આટલી મોટી રકમ પડી જતા બધા મુશ્કેલીમાં મૂકાયા હતા. જોકે અહીંથી પસાર થતા એક યુવકને આ પૈસા ભરેલી બેગ મળતા તેણે મૂળ માલિકને શોધીને પૈસા પરત કર્યા હતા. જે બાદ શિક્ષણમંત્રીએ પણ વ્યક્તિની ઈમાનદારીને બિરદાવીને શાલ ઓઢાડીને તેનું સન્માન કર્યું હતું.