ગુજરાતમાં ઓછા મતદાનથી ભાજપ ટેન્શનમાં? કમલમમાં મોડી રાત્રે અમિત શાહે કરી બેઠક

Lok Sabha Election: ગુજરાતમાં 7મી મેના રોજ લોકસભાની 25 બેઠકો પર મતદાન યોજાયું હતું. જોકે આ વખતે રાજ્યમાં 2019ની તુલનાએ ખૂબ ઓછું મતદાન થયું હતું. ચૂંટણી કમિશનના આંકડા મુજબ ગુજરાતની તમામ 25 બેઠકો પર સરેરાશ 59.51 ટકા મતદાન આ વખતે થયું છે, જ્યારે ગત ચૂંટણીમાં 64.11 ટકા જેટલું મતદાન થયું હતું. મતદાનના આ આંકડાથી ભાજપના 5 લાખની લીડ મેળવવાના ટાર્ગેટનું ગણિત જ ઊંધું પડી શકે છે. ઓછા મતદાન વચ્ચે કેન્દ્રિય ગૃહમંત્રી અમિત શાહે દિલ્હી જવાનું ટાળીને ગાંધીનગરમાં કમલમ ખાતે તાબડતોબ બેઠક કરી હતી. ચર્ચા છે કે આ બેઠકમાં પરિણામ અંગે ચર્ચા થઈ હતી.