Bharuch News: સમાજની સભામાં ધારાસભ્યે ભાજપના વખાણ શરૂ કર્યા, લોકોએ હોબાળો મચાવી બેસાડી દીધા

ભરૂચમાં વસાવા સમાજના સંમેલનમાં ભાજપના ધારાસભ્યનું લોકોએ આદિવાસીઓએ અટકાવ્યું#Bharuch #DarshanaVasava #GujaratiNews pic.twitter.com/aUqJKuoQRx

— Gujarat Tak (@GujaratTak) December 18, 2023

સભા બાદ શાંતિકર વસાવાની કાર પર પથ્થરમારો

સભા બાદ આદિવાસી સમાજના અગ્રણી આગેવાન અને વ્યવસાયે ડોક્ટર શાંતિકર વસાવાની કાર પર પથ્થરમારાની ઘટના બની હતી. શાંતિકર વસાવાએ મંચ ઉપરથી રાજકીય નેતાઓની ટીકા કરી હતી. તેમણે કહ્યું હતું કે, સમાજ પાછળ છે તેમાં રાજકીય નેતાઓનો પણ ભાગ છે. જે બાદ સાંસદ મનસુખભાઇ વસાવા એ પોતાની જગ્યા પરથી ઉભા થઇને વિરોધ કર્યો કર્યો હતો અને ગુસ્સે ભરાયા હતાં. મનસુખ વસાવાએ વિરોધ કર્યો તો જનમેદનીએ શાંતિકર વસાવાના સમર્થનમાં આવી ભાષણ ચાલુ રાખવાની માંગ કરી હતી. તો મનસુખ વસાવાએ કહ્યું, શાંતિકર વસાવાને ઈંટનો જવાબ પથ્થરથી આપીશ.

કાર અટકાવી પથ્થર માર્યા

આ બાદ સભામાંથી પાછા જતા સમયે નેત્રંગ ચારરસ્તા પાસે ચાર ઈસમોએ તેમની કારને અટકાવવાનો પ્રયાસ કર્યો અને કાર ઉપર પથ્થરમારો કર્યો હતો. હુમલા અંગે શાંતિકર વસાવાએ કહ્યું હતું કે, આજે મેં જે વ્યક્તવ્ય આપ્યું તે કોઈને ગમ્યું ન હોય એટલે આ હુમલો થયો હોય એવું મને લાગે છે.

(ઈનપુટ: ગૌતમ ડોડિયા, ભરૂચ)