ભારત જીતશે કે ઓસ્ટ્રેલિયા? બુકીઓએ અત્યારથી જ મોટો અને સ્પષ્ટ સંકેત આપી દીધો

World Cup Final 2023 : ભારતે ઓસ્ટ્રેલિયાને જીતવા માટે 241 રનનો ટાર્ગેટ આપ્યો છે. પ્રથમ બેટિંગ કરવા આવેલી ટીમ ઈન્ડિયા 50 ઓવરમાં 240 રન સુધી જ સિમિત રહી હતી. આ રીતે પેટ કમિન્સની આગેવાની હેઠળની ઓસ્ટ્રેલિયન ટીમને છઠ્ઠી વખત વર્લ્ડ ચેમ્પિયન બનવા માટે 241 રન બનાવવા પડશે. ભારત માટે, વિરાટ કોહલી અને કેએલ રાહુલે પચાસ રનનો આંકડો પાર કર્યો, પરંતુ આ સિવાય બાકીના ભારતીય બેટ્સમેનોની પાસે ઓસ્ટ્રેલિયાની શાનદાર વ્યૂહરચનાનો કોઈ જવાબ નહોતો. વાસ્તવમાં ઓસ્ટ્રેલિયાની ટીમ લગભગ તમામ ભારતીય બેટ્સમેનોનું હોમવર્ક કરીને આવી હતી.