IND vs PAK: બાબર આઝમે મેચ પહેલા કર્યો જીતનો દાવો, કહ્યું- પહેલા જે થયું તે વધારે મહત્વપૂર્ણ નથી

બાબરે કહ્યું, “મને લાગે છે કે ભૂતકાળમાં શું થયું તે મહત્વનું નથી. અમે વર્તમાનમાં જીવવા માંગીએ છીએ. મને લાગે છે કે અમે સારું કરી શકીએ છીએ. ભારત-પાકિસ્તાન મેચ જોરદાર છે. ચાહકો મોટી સંખ્યામાં આવી રહ્યા છે. મને લાગે છે કે અમારી પાસે પ્રશંસકો સામે સારું પ્રદર્શન કરવાની તક છે. અમે તે મુજબ પ્લાનિંગ કરીશું કારણ કે પ્રથમ 10 ઓવરમાં વિકેટ અલગ અને 10 ઓવર પછી અલગ હોય છે. તેથી અમારે તે મુજબનું આયોજન કરવું પડશે.”

આફ્રિદી અમારો શ્રેષ્ઠ બોલર

પોતાની ટીમની બોલિંગને લઈને બાબરે કહ્યું કે, અમે નસીમ શાહને મિસ કરીશું. શાહીન આફ્રિદી અમારો શ્રેષ્ઠ બોલર છે. અમે તેનામાં વિશ્વાસ કરીએ છીએ અને તે પોતાનામાં વિશ્વાસ રાખે છે. તે અમારા માટે આ પ્રેશર મેચ નથી. અમે ઘણી વખત એકબીજા સાથે રમ્યા છીએ. હૈદરાબાદમાં અમને ઘણો સપોર્ટ મળ્યો અને અમે અમદાવાદ માટે પણ એવી જ અપેક્ષા રાખીએ છીએ.

બંને ટીમોની નજર જીતની હેટ્રિક પર છે

ODI વર્લ્ડ કપની વર્તમાન આવૃત્તિમાં બંને ટીમોનું ફોર્મ શાનદાર રહ્યું છે. ભારતે ઓસ્ટ્રેલિયા અને અફઘાનિસ્તાન સામે જીત મેળવી છે. તે જ સમયે, પાકિસ્તાને નેધરલેન્ડ અને શ્રીલંકાને હરાવ્યું હતું. હવે રોહિત શર્મા અને બાબર આઝમની નજર જીતની હેટ્રિક ફટકારવા પર હશે.