IND vs ENG Test: બેઝબોલનો ઘમંડ તૂટ્યો, અશ્વિન-બુમરાહ સામે અંગ્રેજ ટીમ ધ્વસ્ત, ભારતે સીરિઝ બરાબર કરી

એન્ડરસને ખુલ્લો પડકાર આપ્યો હતો!

ભારત માટે બીજા દાવમાં જસપ્રીત બુમરાહ અને આર. અશ્વિને ત્રણ-ત્રણ વિકેટ ઝડપી હતી. બુમરાહે મેચમાં કુલ નવ વિકેટ ઝડપી હતી. આ જીત સાથે ભારતે ‘બેઝબોલ’નો ઘમંડ તોડી નાખ્યો. વાસ્તવમાં, ઇંગ્લેન્ડના ઝડપી બોલર જેમ્સ એન્ડરસને કહ્યું હતું કે, તેમની ટીમ 60-70 ઓવરમાં 399 રનના લક્ષ્યનો પીછો કરવાનો પ્રયાસ કરશે, પરંતુ તે 300 રન પણ બનાવી શકી નહીં. ઈંગ્લેન્ડ તરફથી માત્ર જેક ક્રાઉલી 50 રનનો આંકડો પાર કરી શક્યો.

ભારતીય બોલર્સ ઝળક્યા

લક્ષ્યનો પીછો કરતી વખતે ઇંગ્લેન્ડની પ્રથમ વિકેટ રમતના ત્રીજા દિવસે પડી, જ્યારે બેન ડકેટ સ્પિનર ​​આર. અશ્વિનની સ્પિનમાં કેચ આઉટ થયો. ત્યારબાદ ચોથા દિવસે આઉટ થનાર પ્રથમ બેટ્સમેન નાઈટવોચમેન રેહાન અહેમદ હતો. અક્ષર પટેલે તેને પોતાની સ્પિનમાં ફસાવ્યો હતો. આ પછી અશ્વિને ઓલી પોપ અને જો રૂટને આઉટ કરીને ઈંગ્લેન્ડને બેકફૂટ પર લાવી દીધું હતું.

જો રૂટ ખૂબ જ આક્રમક શોટ રમવા જતા આઉટ થયો હતો. અશ્વિને ઓલી પોપને આઉટ કરીને મોટો રેકોર્ડ પણ બનાવ્યો હતો. અશ્વિન ઈંગ્લેન્ડ સામે સૌથી વધુ ટેસ્ટ વિકેટ લેનાર ભારતીય બોલર બની ગયો છે. અશ્વિને ભાગવત ચંદ્રશેખરને પાછળ છોડી દીધા, જેમણે 95 વિકેટ લીધી હતી.

ઈંગ્લેન્ડ સામે સૌથી વધુ ટેસ્ટ વિકેટ

રવિચંદ્રન અશ્વિન: 21 મેચ, 97 વિકેટ
બીએસ ચંદ્રશેખર: 23 મેચ, 95 વિકેટ
અનિલ કુંબલે: 19 મેચ, 92 વિકેટ
બિશન સિંહ બેદી: 22 મેચ, 85 વિકેટ
કપિલ દેવ: 27 મેચ, 85 વિકેટ

ક્રાઉલીની અડધી સદી એળે ગઈ

ત્યારબાદ ભારતને જેક ક્રાઉલીના રૂપમાં સૌથી મોટી સફળતા મળી જે કુલદીપે અપાવી હતી. ક્રાઉલીએ પણ આક્રમક બેટિંગ કરી અને અડધી સદીની ઇનિંગ્સ (73) રમી. લંચ પહેલા જસપ્રીત બુમરાહે જોન બેયરસ્ટોને પોતાનો શિકાર બનાવ્યો હતો. લંચ પછી, બેન સ્ટોક્સ શ્રેયસના થ્રો પર રન આઉટ થયો. 220 રનમાં સાત વિકેટ પડી ગયા બાદ બેન ફોક્સ અને ટોમ હાર્ટલીએ 55 રનની ભાગીદારી કરીને ઈંગ્લેન્ડ માટે કમબેક કરવાનો પ્રયાસ કર્યો હતો. જસપ્રીત બુમરાહે ફોક્સને આઉટ કરીને આ ભાગીદારી તોડી હતી. ફોક્સના આઉટ થયા બાદ ભારતની જીત લગભગ નિશ્ચિત હતી.

CASTLED! ⚡️⚡️

Jasprit Bumrah wraps things up in Vizag as #TeamIndia win the 2nd Test and level the series 1⃣-1⃣#TeamIndia | #INDvENG | @Jaspritbumrah93 | @IDFCFIRSTBank pic.twitter.com/KHcIvhMGtD

— BCCI (@BCCI) February 5, 2024

પ્રથમ ઈનિંગ્સમાં જયસ્વાલે શાનદાર અડધી સદી ફટકારી

તમને જણાવી દઈએ કે ભારતીય ટીમે યશસ્વી જયસ્વાલની શાનદાર બેવડી સદીની મદદથી પોતાની પ્રથમ ઇનિંગમાં 396 રન બનાવ્યા હતા. જવાબમાં ઈંગ્લેન્ડનો પ્રથમ દાવ માત્ર 253 રન પર જ સમેટાઈ ગયો હતો. પ્રથમ દાવના આધારે ભારતને 143 રનની લીડ મળી હતી. આ પછી ભારતીય ટીમનો બીજો દાવ 255 રનમાં સમેટાઈ ગયો હતો.

ગિલ સદી ફટકારીને ફોર્મમાં પરત ફર્યો હતો

ભારતીય ટીમ તેની બીજી ઇનિંગમાં વધુ સારી શરૂઆત કરી શકી ન હતી. કેપ્ટન રોહિત શર્મા ફરી એકવાર મોટી ઇનિંગ રમવામાં નિષ્ફળ રહ્યો હતો અને બીજા દિવસે તે પોતાના સ્કોરમાં એક પણ રન ઉમેરી શક્યો નહોતો. ત્યારબાદ ભારતે પ્રથમ દાવમાં બેવડી સદી ફટકારનાર યશસ્વી જયસ્વાલની વિકેટ પણ ગુમાવી હતી. રોહિત અને યશસ્વીને અનુભવી ઝડપી બોલર જેમ્સ એન્ડરસને આઉટ કર્યા હતા. 30 રનમાં બે વિકેટ પડી ગયા બાદ ગિલ અને શ્રેયસ અય્યરે મળીને ઇનિંગની કમાન સંભાળી હતી. બંને ખેલાડીઓએ મળીને 81 રનની ભાગીદારી કરી હતી.

જોકે, શ્રેયસ તેની ઇનિંગ્સને વધુ લંબાવી શક્યો ન હતો અને તેને રેહાન અહેમદે પેવેલિયન મોકલી દીધો હતો. શ્રેયસ આઉટ થયો હતો, પરંતુ ગિલનો ઇરાદો સ્પષ્ટ હતો અને તેણે શાનદાર સદી મારીને ભારતની સ્થિતિ મજબૂત કરી હતી. ગિલે 147 બોલનો સામનો કર્યો અને 104 રન બનાવ્યા, જેમાં 11 ચોગ્ગા અને બે છગ્ગાનો સમાવેશ થાય છે. ગિલનો અક્ષર પટેલ (45 રન)એ પણ પૂરો સાથ આપ્યો હતો. અક્ષર-ગિલની જોડીએ પાંચમી વિકેટ માટે 89 રન જોડ્યા હતા.