Surat News: ગ્રીષ્મા જેવી ઘટના થતા રહી ગઈ, ‘મારો ફોન કેમ નથી ઉપાડતી’ કહી યુવકે યુવતીના ગળે છરી ફેરવી

• સુરતમાં એક તરફી પ્રેમમાં પાગલ પ્રેમીએ મિત્ર સાથે જતી યુવતી પર છરીથી હુમલો કર્યો.
• ‘મારો ફોન કેમ નથી ઉપાડતી’ કહીને યુવકે હુમલો કરતા યુવતીની આંખ, હાથ અને ચહેરા પર ઈજા.
• સ્થાનિક લોકોએ યુવકને પકડી લેતા યુવતીનો જીવ જતા રહી ગયો.

Surat Crime News: સુરતમાં ફરી ગ્રીષ્મા હત્યાકાંડ જેવી ઘટના બનતા રહી ગઈ. શહેરના કાપોદરા વિસ્તારમાં યુવકે યુવતીના છરીના ઘા માર્યા હતા. એક તરફી પ્રેમમાં પાગલ પ્રેમીએ ‘મારો ફોન કેમ નથી ઉપાડતી’ કહીને હુમલો કર્યો હતો, જોકે સ્થાનિકોએ હિંમત કરીને યુવકને ઝડપી લીધો હતો અને બાદમાં પોલીસ સોંપી દીધો હતો. હુમલામાં યુવતીને આંખ, મોઢા અને હાથના ભાગમાં ઈજા પહોંચી હતી. આ મામલે યુવક વિરુદ્ધ પોલીસે ગુનો નોંધીને તપાસ હાથ ધરી છે. આરોપી યુવક અને યુવતી બંને સાથે સ્કૂલમાં અભ્યાસ કરતા હતા.