અમરેલીમાં માનવભક્ષી દીપડાની રંજાડ: ખેતરમાંથી 7 વર્ષના બાળકને ઉઠાવી જઈ ફાડી ખાધો, પરિવારમાં શોક

Amreli News: ગુજરાતમાં દીપડાએ હુમલો કર્યાની અનેક ઘટનાઓ બની રહી છે. જંગલ વિસ્તાર છોડીને દીપડાઓ હવે ગામ્ય વિસ્તારોમાં આંટાફેરા કરી રહ્યા છે. તાજેતરમાં જ રાજકોટ શહેરના ભાગોડે દીપડો જોવા મળતા સ્થાનિકોમાં ફફડાટ ફેલાયો હતો. જોકે, આ દીપડો હજુ પાંજરે પૂરાયો નથી, તેવામાં અમરેલીમાં આદમખોર દીપડાએ 7 વર્ષના માસુમ બાળકનો જીવ લીધો હોવાનું સામે આવ્યું છે. આ ઘટનાને પગલે પરિવારજનોમાં શોકનો માહોલ છવાયો છે. હાલ વન વિભાગ દ્વારા દીપડાને પકડવા માટે અલગ અલગ પાંજરા ગોઠવી દેવામાં આવ્યા છે.